Кэмп ад Юлі і Алеся. Ад нумара з відам на возера да кортаў Hotel Le Balze — тыдзень, варты таго, каб запомніць.
У Еўропе дагэтуль не было тэніснага кэмпа з выкладаннем на беларускай мове — а беларусаў, якія цікавяцца тэнісам, тут нямала: у Літве, Польшчы, Германіі, Чэхіі, Нідэрландах і далей. Мы стварылі прастору, дзе можна трэніравацца па сур'ёзных міжнародных праграмах ITF і пры гэтым увесь тыдзень размаўляць, жартаваць і гуляць па-беларуску.
Для нас гэта больш, чым адзін тыдзень на возеры Гарда. Мы хочам, каб беларускі тэніс быў бачны і жывы за межамі краіны — каб узнікла пастаянная беларускамоўная тэніс-супольнасць у Еўропе: людзі, якія штогод сустракаюцца зноў, гуляюць разам і разам растуць у гульні. Кэмп 2026 года — першая цэгліна ў гэтым.
Сем поўных дзён мы трэніруемся, гуляем у тэніс, гуляем па Трэмозіне і смакуем італьянскую
кухню. На корце — адзін трэнер і праграма пад тваю фізічную форму. Па-беларуску.
Гатэль, wellness-цэнтр і тэнісны клуб на адной тэрыторыі: Hotel Le Balze Aktiv & Wellness стаіць над возерам Гарда, у прыродным парку Альта-Гарда,
з 11 тэніснымі кортамі, крытым басейнам і спа.
На кожнага ўдзельніка прыпадае ад 20 да 29 гадзін тэнісу за тыдзень — у залежнасці ад трэка. Расклад вярстаецца загадзя і высылаецца на пошту за 2 тыдні да старту.
Афіцыйныя фота гатэля Hotel Le Balze Aktiv & Wellness, Трэмозіне, возера Гарда.
за чалавека · 6 начэй · паўпансіён (сняданак + абед), доступ да wellness-цэнтра і басейна — усё ўключана акрамя пералёту і вячэр. Пакой Superior (большы, з лепшым відам) — даплата +€100 да любога тарыфу. Дэпазіт — пры рэгістрацыі, астатак — да 01.09.2026. Прымаем Revolut, банкаўскі пераклад (IBAN) і PayPal.
43 гады. Доўгі час быў айцішнікам, які вельмі любіў тэніс — а ў 2025 годзе абраў шлях тэніснага коўча. Працуе з дарослымі па праграмах ITF Play Tennis і Tennis Xpress. Падыход — пазітыўная атмасфера, усмешкі, добры настрой у групе.
Падыходзіць гульцам узроўню NTRP 1.0–4.0: ад людзей, якія год-два займаюцца, да ўпэўненых аматараў. На корце дзве групы — пачаткоўцы і сярэдні ўзровень. Распадзел адбываецца ў першы дзень пасля кароткай ацэнкі.
Дэпазіт 50% пры рэгістрацыі, астатак 50% — да 01.09.2026. Прымаем Revolut, банкаўскі пераклад (IBAN) і PayPal. Дэталі высылаем пасля запаўнення формы.
Стандарт — двухмеснае размяшчэнне (з другім удзельнікам кэмпа). Адзіночны нумар даступны з даплатай — напішыце Юлі ў Telegram, узгодзім.
Білеты кожны набывае самастойна. Аэрапорт — Verona Villafranca (VRN) або Bergamo Orio al Serio (BGY), ад VRN да гатэля ~1 г 30 хв на машыне, ад BGY — каля 1 г 40 хв. Падкажам зручныя стыкоўкі з Вільні / Варшавы / Берліна.
Дэпазіт можна вярнуць цалкам да 24.08.2026. Пасля гэтай мяжы дэпазіт не вяртаецца, але можна перадаць месца іншаму чалавеку. Раім аформіць страхоўку ад адмены.
Да 8 удзельнікаў. Камернасць — наўмысна: гэта дае больш увагі ад трэнера і дазваляе хутка стаць камандай.
Запоўні кароткую анкету — і мы звяжамся з табой, каб узгодніць дэталі рэгістрацыі і дэпазіту.
Запоўніць анкету →